Hopi diskushon rondó di Gresia su posishon den e zona di euro.

Reading Time: 3 minutes

Aktualmente tin hopi diskushon i insertidumbre rondó di Gresia su posishon den e zona di euro. Awe e paisnan den e zona di euro lo bolbe reuní pa di tres bia pa asina disidí kiko lo pasa ku Gresia.

A Greek and a European flag flutter outside the Greek embassy in BrusselsGresia aktualmente ta loke nos ta yama ta ingles “Flat Broke”. Nan no tin sèn ni pa kumpra un lòlipòp. Gresia tin un debe total di 323 bion euro, kual 60% di e debe ei ta na paisnan den zona di euro.

Den reunionnan ku paisnan den zona di euro, Gresia a pidi un ekstenshon di seis luna di su plan di reskate finansiero na lugá di firma un programa nobo ku lo por trese medidanan severo di ousteridat. Pa e haña esaki, un total di 19 pais den Oropa mester a bai diakuerdo unánimamente. Alemania a bati pia abou pisa ku e no ta haña niun ekstenshon pa motibu ku esaki lo no yud’é ku nada.

Minister di Finansa di Gresia Yanis Varoufakis na man drechi i Minister di Finansa di Alemania Wolfgang Schaeuble

Minister di Finansa di Gresia Yanis Varoufakis na man drechi i Minister di Finansa di Alemania Wolfgang Schaeuble

E plan di reskate aktual ta vense fin di Febrüari aki, i si nan no risibí un akuerdo nobo, sèn lo kaba na Gresia, pone kalidat di bida na Gresia lo kai ku 80% den apénas algun siman.

Gresia ta den problema pa motibu ku nan ta bula ku ala di manteka. For di promé ku nan a drenta e union monetario, nan tabata gasta sèn pa loko. Despues di a drenta euro, e kos a bira pió. For di Mei 2010 union oropeo i IMF a bin ta duna Gresia reskatenan finansiero di montantenan ridíkulo. Nos ta papia aki di fiansanan di 110 bion euro e promé bia, i 130 bion euro e di dos bia, pa asina Gresia por paga su akreedornan. Banda di esaki, akreedornan di Gresia a kanselá kasi dos tersera parti di debenan ku Gresia tin na nan. Tambe nan a sera fiansanan bieu, i habri nan di nobo na interesnan mas abou.

Pero ainda Gresia no ta mira un lus na final dje tùnel. Segun ekspertonan finansiero, ta mihó Gresia sali for di e zona di euro. Kualke solushon ku tuma, tur lo yega na e desishon aki tòg. Pues pakiko sigui karga speransa?

E kos ta, ku si Gresia sali for di euro, e lo tin ku bai bèk na su moneda “drachma” pone ku esaki lo devaluá dramátikamente. Esaki lo hasi hopi mas difísil pa Gresia paga su debenan. Salida di Gresia for di euro lo por tin diferente efekto i konsekuensha negativo pa demas paisnan den zona di euro.

Kiko lo bai pasa? Esaki ta manera un pelíkula di suspenso!

Fuente: BBC, Reuters, CNBC

[Danki pa “like i “share”. Mi ta apresiá mashá. Kualke dia ku nos topa, kòrdá mi pa mi regalá bo un lòlipòp komo muestra di apresio! Sinti bo liber pa laga bo komentario atras.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Share on Google+
Google+
Tweet about this on Twitter
Twitter
Share on Facebook
Facebook
Powered by WordPress | Designed by: Image Hosting | Thanks to MegaUpload Search, RapidShare Search and Internet TV

Copy Protected by Chetan's WP-Copyprotect.