Si bo dòkter ainda ta skibi resèpt na man, kuidou kuné!

Reading Time: 2 minutes

Bo a yega di sali for di bo dòkter ku un resèpt den bo man, pero ora bo les’é ta parse ku ta árabe e dòkter a skibi?

Doctor writingPa hopi tempu mi a kere ku ta den “code” e dòkternan ta skibi, pero despues a resultá ku ta simplemente mahos nan ta skibi. Nan ta “gewoon weg slordig”.

Pero ora bo sali dòkter, i bai botika, ta parse ku e botikario si ta komprondé. Ta parse ku e zùsternan ku ta lesa karta di dòkter tambe ta komprondé loke tin skibí. Ta p’esei ma pensa ku ta den “code” nan lo ta skibi”. Pero tòg nò.

Den un estudio ku “National Academies of Science’s Institute of Medicine” a kondusí na 2006 a sali na kla ku pa aña tin 7000 morto debí na eskritura deskuidá di dòkternan.

Ke men bien por ta posibel ku bo dòkter ta skibi un reseta pa bo di 100mg di Valium pa kalma bo nèrvionan, pero ora bo yega botika nan ta duna mi 1000mg di Viagra, pasó nan a komprondé robes loke dòkter a skibi. Asina ei dòkternan ta mata hende.

Òf por ta posibel ku un dòkter a skibi pa bo bai ópera bo ventríkulo, logá nan a ópera bo testíkulo kita afó. (Mi no sa kiko ta ventríkulo, solamente mi sa ku e ta rima ku testíkulo.)

Pa redusí e erornan aki, Medicare, e programa federal di seguro médiko merikano, a obligá tur hospital pa pasa over pa sistemanan elektróniko pa asina hasi e lesamentu mas fásil. E hospital ku no a kumpli ku e mandato promé fin di 2014 lo pèrdè supsidio di gobièrnu.

Na Kòrsou ainda tin hopi dòkter ku ta den temp’i kouchi boulo i ainda ta skibi karta i resèpt na man. Si bo dòkter tambe ta un di nan, kuidou kuné. Ora e duna bo un papel of karta skibi na árabe, puntr’é ta kiko el a skibi, pa evitá ku en bes di duna bo Morphina, nan pak bo ku Kokaina.

handwriting

[Danki pa “like i “share”. Mi ta apresiá mashá. Kualke dia ku nos topa, kòrdá mi pa mi regalábo un lòlipòp komo muestra di apresio! Sinti bo liber pa laga bo komentario atras tambe.]

**Images used in this article is copyrighted by their respective authors. I just happened to google for an image and found what I’ve used, so please don’t sue me, for I have no money to pay you or a lawyer. Plus I fear going to jail.**

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.