Hospital St.Elisabeth organisatoriamente i finansieramente ta den hopi mal estado.

Reading Time: 2 minutes

Segun informashonnan ku a sali den Antiliaanse Dagblad, Sehos tin algun aña kaba ta bayendo di Guatemala pa “Guatapeor”. Tin dos motibu prinsipal ku ta kousa esei. E promé ta un korte den e presupuesto, i e di dos ta e realisashon di e proyekto HNO (Hospital Nobo Otrabanda).

sehosDebí na un finansiamentu di presupuesto ku a keda introdusí ta pone ku pèrdida operashonal di e hospital tur aña ta subi ku 18 pa 20 mion florin.

Segun un kalkulashon ku SOAB (Stichting Overheids Accountants Buro) a hasi, tur luna e défisit ta subi ku 1.5 mion florin. Sinembargo, salbashon di Sehos ainda ta posibel basta tur partido ke, i realmente pone nan mes pa logra esei.

Segun un persona den hospital, aktualmente Sehos no ta un hospital, sino un “potpurri” di organisashonnan ku ta traha huntu, kaminda e spesialista médiko ta traha pa su mes, i e ta duna servisio na hospital ora e por.

Gastunan pa ku e spesialistanan ku no ta den servisio di Sehos ta hunga un ròl grandi den ekseso di gastunan di kuido general.

Djabièrnè último, USONA a duna un presentashon na hunta di direktiva i hunta di supervishon di Sehos kaminda segun nan investigashonnan, Sehos ta rumbo pa bankrut.

Debí na e gastunan haltu, tin hopi preshon riba e “cashflow” te ku Sehos a surpasá e límite di krédito pa un par di luna kaba. Pa e motibu ei Sehos no por kumpli ku su pagonan na kreditornan, kual debenan ta alrededor di 25 mion florin ku un retraso di 3 luna.

Minister di Salubridat ta proponé pa manda tantu hunta di direktiva komo hunta di supervishon kas, pero personanan den vèlt i tambe konseheronan ta bisa ku e desishon ei ta poko prematuro.

Segun un informante den Sehos a bisa Antiliaanse Dagblad, tur hende ke duna nan granito pa salba e hospital, pero nan ta trahando di forma desorganisá i no efisiente.

Fuente: Antiliaanse Dagblad

[Danki pa “like i “share”. Mi ta apresiá mashá. Kualke dia ku nos topa, kòrdá mi pa mi regalábo un lòlipòp komo muestra di apresio! Sinti bo liber pa laga bo komentario atras tambe.]

 

 

[Even though blogging costs a lot of time and money, I don’t feel like charging my blog readers to be able to read my content. I want to keep it free for everyone. However, funds are still needed in order to produce and publish quality content, as well as writing and publishing books. Consider making a one-time donation to Lion Spratt as a way to show your support. Click here to learn how. Thank you in advance for your generosity!]

It's only fair to share...Print this page
Print
Email this to someone
email
Tweet about this on Twitter
Twitter
Share on Facebook
Facebook
Powered by WordPress and ShopThemes
Copy Protected by Chetan's WP-Copyprotect.